(1) Golaha wasiirradu wuxuu ka koobanyahay ra'iisulwasaare, ra'iisulwasaare kuxigeen/kuxigeenno, wasiirro, wasiiru dawlayaal iyo wasiir kuxigeenno. Xeerka Nidaamka Xukuumadda oo uu ansixiyo Baarlamaanka Federaalka Soomaaliya ayaa lagu nidaaminayaa tirada iyo waajibaadka wasaaradaha.

(2) Golaha Wasiirrada, oo uu hoggaamiyo ra'iisulwasaaraha, ayaa mas'uul ka ah dejinta iyo hirgelinta siyaasadda dawladda iyo maamulidda hawlaha qaranka, waxayna ku shaqeynayaan barnaamijka xukuumadda ee uu ansixiyay Golaha Shacabka.