Dastuurka JFS (A Citizen’s Initiative)
Home Constitution Blog Authors
CUTUBKA 8: XUKUUMADDA FEDERAALKA SOOMAALIYA
(CHAPTER 8: THE FEDERAL GOVERNMENT OF SOMALIA)
Somali (Original)

Qodobka 118aad: Xilwaayidda Xubnaha Golaha Wasiirrada

(1) Xubnaha golaha wasiirrada waxay xilkooda ku waayi karaan: (a) Geeri; (b) Iscasilaad qoraal ah; (c) Xilkaqaadis; (d) Xilgudasho la'aan joogto ah sababo la xiriira mid jireed ama maskaxeed oo uu caddeeyay dhakhtar takhasus u leh oo la aqoonsanyahay; iyo (e) Haddii uu galo fal khiyaano qaran ah, laaluush, ama xadgudub culus oo dastuuri ah ama xeerarka kale ee Jamhuuriyadda Federaalka Soomaaliya.

(2) Xukuumadda Federaalka Soomaaliya waxay u baahantahay kalsoonisiinta Golaha Shacabka haddii uu isbeddel ku yimaado kalabar in ka badan xubnaha golaha wasiirrada.

English

No translation available yet in English.

Plain-Language Explanation

Somali
Xubnaha Golaha Wasiirradu waxay xilka ku waayi karaan haddii ay geeriyoodaan, qoraal ku iscasilaan, xilka laga qaado, ama ay si joogto ah u awoodi waayaan gudashada waajibaadkooda sababo jireed ama maskaxeed awgood, taas oo uu caddeeyo dhakhtar takhasus leh oo la aqoonsan yahay. Sidoo kale, waxay xilka ku waayi karaan haddii ay galaan khiyaano qaran, laaluush ama xadgudub culus oo ka dhan ah Dastuurka ama shuruucda kale ee Soomaaliya. Haddii wax ka badan kala bar xubnaha Golaha Wasiirradu isbeddelaan, Xukuumadda Federaalka waa inay mar kale codka kalsoonida ka heshaa Golaha Shacabka.
English

Not available.

Questions & Comments (0)