(1) Dawlad goboleed kasta wuxuu yeelanayaa Maxkamad Kore oo xarunteedu tahay caasimadda dawlad goboleedka, waana hay'adda garsoorka ugu sarraysa ee ka shaqeysa soohdimaha dawlad goboleedkaas. Awooddeedu waxay ku fidsantahay dhammaan degaannada hoosyimaada dawlad goboleedka.

(2) Maxkamadda Kore ee dawlad goboleedku waxay ikhtisaas u leedahay: (a) Ka garnaqidda iyo ka go'aangaarista cabashooyinka la xiriirta dacwadaha maamul ee dhanka ka ah hay'adaha dawlad goboleedka; (b) Dhegeysiga dacwadaha la xiriira muranka awoodaha maxkamadaha kala duwan ee dawlad goboleedka ee aan hoos tagayn ikhtisaaska federaalka; (c) Ka garnaqidda iyo ka go'aangaarista rafcaannada laga soo qaato xukunnada iyo go'aannada maxkamadaha darajada koowaad ee dawlad goboleedka ee khusaysa dacwadaha federaaliga ah. (d) Ka garnaqidda iyo ka go'aangaarista rafcaannada aan federaaliga ahayn ee laga soo qaato xukunnada iyo go'aannada maxkamadaha darajada labaad ee dawiad goboleedka; (e) Go'aan ka gaaridda dacwadaha la xiriira magacaabidda iyo xilkaqaadista xilalka dawladda ee heer dawlad goboleed ee ku siman soohdimaha dawiad goboleed kasta; iyo (f) Fulinta awood kasta oo uu sliyo dastuurka ama xeerarka dawlad goboleedka, haddii aanay awoodahaasi ka hor imaanayn Dastuurka Federaalka İyo xeerarka federaalka.

(3) Caasimaddu waxay yeelanaysaa maxkamad kore, maxkamad rafcaan iyo maxkamadaha darajada koowaad.