(1) Xukuumadda xilgaarsiinta oo ah xukuumadda xilliga kalaguurka ee doorashadu qabsoontay isla markaana aan xukuumad cusub weli la soo dhisin ama kalsoonida lagala noqday si waafaqsan Qodobka 124aad ee Dastuurka, waxay sil ahaanaysaa xukuumad xilgaarsiin, waxayna fulisaa waajibaadka caadiga ah ee dawladda.

(2) Xukuumadda xilgaarsiinta waxaa ka reebban arrimaha soo socda: (a) Gelidda heshiisyo caalami ah ama kuwo waqti dheer qaadanaya oo saamaynaya siyaasadda xukuumadda cusub; (b) Soojeedinta magacaabidda iyo xilkaqaadista xilalka sare ee dawladda; (c) Curinta ama soo gudbinta hindise xeereed; (d) Go'aanno abuuraya qalalaase ama khilaaf siyaasadeed; (e) Jaangooynta qiimaha badeecadaha, mushaaraadka iyo adeegyada saamaynaya dhaqaalaha qaranka; iyo (f) Soojeedinta afti dadweyne iyo ku dhawaaqid xaalad degdeg ah ama mid dagaal.