CUTUBKA 8: XUKUUMADDA FEDERAALKA SOOMAALIYA
(CHAPTER 8: THE FEDERAL GOVERNMENT OF SOMALIA)
Somali (Original)
Qodobka 123aad: Dhaarta Golaha Wasiirrada
Xubnaha golaha wasiirrada waxaa dhaarinaya Guddoomiyaha Maxkamadda Sare ee Federaalka ama garsoore uu usoo igmado, waxayna marayaan dhaarta soo socota: "Aniga oo ah _________________________________, waxaan ku dhaaranayaa magaca llaahay inaan daacad u noqdo Jamhuuriyadda Federaalka Soomaaliya; dhawrana Shareecada islaamka, Dastuurka iyo xeerarka dalka; uguna adeego xilka la ii magacaabay dadka iyo dalka si xilkasnimo, hufnaan iyo islaxisaabtan ku jirto, aniga oo ilaalinaya sirta hawsha la igu aaminay".
English
No translation available yet in English.
Plain-Language Explanation
Somali
Xubnaha Golaha Wasiirrada waxaa dhaarinaya Guddoomiyaha Maxkamadda Sare ee Federaalka ama garsoore uu u igmado. Dhaarta ay marayaan waxay ka dhigan tahay inay Ilaahay ku dhaartaan inay daacad u noqonayaan Jamhuuriyadda Federaalka Soomaaliya, ilaalinayaan Shareecada Islaamka, Dastuurka iyo shuruucda dalka, si xilkasnimo iyo hufnaan lehna ugu adeegayaan dalka iyo dadka. Waxa kale oo ay ballanqaadayaan inay ilaaliyaan sirta hawsha lagu aaminay, isla markaana ay mas’uuliyadda xilka loo magacaabay u gutaan si daacadnimo iyo isla-xisaabtan leh.
English
Not available.
