(1) Guddoomiyaha Maxkamadda Sare iyo Guddoomiyaha Maxkamadda Dastuurka waxaa lagu hor dhaarinayaa Madaxweynaha Jamhuuriyadda, iyadoo ay goobjoog yihiin guddoomiyeyaasha Golaha Shacabka iyo Golaha Aqalka Sare ee Baarlamaanka Federaalka Soomaaliya.

(2) Garsooreyaasha Maxkamadda Sare, Garsooreyaasha Maxkamadda Dastuurka iyo dhammaan garsooreyaasha kale waxaa lagu hor dhaarinayaa Guddoomiyaha Golaha Sare ee Garsoorka.

(3) Guddoomiyaha iyo garsooreyaasha maxkamadda kore ee dawlad goboleedka waxaa lagu hor dhaarinayaa hoggaamiyaha dawlad goboleedka iyadoo uu goobjoog yahay guddoomiyaha golaha wakilllada.

(4) Guddoomiyeyaasha iyo garsooreyaasha ku xusan farqadaha 1aad, 2aad iyo 3aad ee qodobkan, inta aanay shaqada billaabin, waxa ay marayaan dhaartan: "Aniga oo ah _______________________, waxaan ku dhaaranayaa magaca llaahay inaan si daacad ah u guto waajibaadkayga; dhawrana Shareecada Islaamka, Dastuurka iyo xeerarka kale ee Jamhuuriyadda Federaalka Soomaaliya u yaalla; inaan u fuliyo xilkayga si madaxbannaan oo dhexdhexaad ah; go'aannadaydana ku gaaro si aan lahayn cabsi, eex, siyaaasad, qof jeclaysi ama saamayn kale; iyo inaan ku shaqeeyo danaha caddaaladda iyo sarraynta sharciga oo keliya, ilaaliyana sharafta, hufnaanta iyo madaxbannaanida garsoorka dalka".