CUTUBKA 9: GARSOORKA JAMHUURIYADDA FEDERAALKA SOOMAALIYA
(CHAPTER 9: THE JUDICIARY OF THE FEDERAL REPUBLIC OF SOMALIA)
Madaxa Saddexaad: Xeer-Ilaalinta Guud
Somali (Original)
Qodobka 141aad: Madaxbannaanida Xafiiska Xeer-ilaalinta
(1) Xafiiska Xeer-ilaalinta Guud ee Qaranka oo qayb ka mid ah garsoorka Jamhuuriyadda Federaalka Soomaaliya, wuxuu u madaxbannaan yahay hawlaha maamul iyo maaliyadeed ee xafiiska.
(2) Xeer-ilaaliyuhu wuxuu u hoggaansamayaa oo keliya Shareecada Islaamka, Dastuurka iyo Xeerarka kale ee Jamhuuriyadda Federaalka Soomaaliya marka uu gudanayo waajibaadkiisa, lamana faragelin karo xafiiska xeer-ilaalinta iyo saraakiishiisa marka ay gudanayaan xilalkooda.
English
No translation available yet in English.
Plain-Language Explanation
Somali
Xafiiska Xeer-ilaalinta Guud ee Qaranku waa qayb ka mid ah garsoorka Soomaaliya, wuxuuna madaxabannaani u leeyahay maamulkiisa iyo maaliyaddiisa. Xeer-ilaaliyuhu marka uu gudanayo waajibaadkiisa wuxuu ku dhaqmaa oo keliya Shareecada Islaamka, Dastuurka iyo shuruucda dalka. Qof ama hay’adna ma faragelin karto xafiiska xeer-ilaalinta ama saraakiishiisa marka ay gudanayaan waajibaadkooda.
English
Not available.
