(1) Xafiiska Xeer-ilaalinta dawlad goboleedka waxa uu awood u leeyahay dacwad oogista dhammaan dacwadaha ka dhasha xeerarka dawlad goboleedka oo keliya, waxaana awoodihiisa ka mid ah: (a) Inuu oogo dacwadaha ciqaabta ah ee heer dawlad goboleed; (b) Inuu billaabo tallaabooyinka horgaynta eedaysanayaasha maxkamadaha hortooda ee; (c) Inuu qaato rafcaannada dacwadaha laga xukumo markay ay ku jirto danta caddaaladda; (d) Inuu maxkamadaha ku matalaa dadka taagta daran iyo carruurta agoonta ah, arrimaha la xiriira xeerarka dawlad goboleedka; (e) Inuu ku kormeero hay'adaha baarista dawlad goboleedka iyo saraakiisha boolliska shaqadooda la xiriirta dembiyada dawlad goboleedka; (f) Inuu hago ama uu la wareego tallaabooyinka baariseed ee la xiriira xeerarka dawlad goboleedka si waafaqsan danta guud; iyo (g) Inuu guto hawl kasta oo ay farayaan Dastuurka iyo xeerarka Dawladda Federaalka ama Dastuurka iyo xeerarka dawlad goboleedka.

(2) Xeer-ilaaliyaha Guud ee Qaranku wuxuu u idman karaa xeer-ilaaliyaha dawlad goboleedka ama mid ka mid ah xeer-ilaaliyeyaasha dawlad goboleedka oogista dacwadaha ciqaabta ee federaalka.