Dastuurka JFS (A Citizen’s Initiative)
Home Constitution Blog Authors
CUTUBKA 11: SHAQAALAHA RAYIDKA EE DAWLADDA
(CHAPTER 11: THE CIVIL SERVICE)
Somali (Original)

Qodobka 160aad: Ilaalinta Xuquuqda Shaqaalaha Dawladda ee Rayidka ah

(1) Shaqaalaha rayidka ah wuxuu xaq u leeyahay doorashada shaqada uu xirfaddeeda leeyahay, mushaar caddaalad ah, badqabka goobta shaqada, hawlgab sharci ah lyo difaac bulsho si waafaqsan Dastuurka iyo xeerarka dalka.

(2) Shaqaaluhu waxa ay xaq u leeyihiin iny samaystaan urruro shaqaale si ay u helaan habab ay cabashooyin u gudbiyaan.

(3) Shaqaalaha rayidka ah laguma sameyn karo arrimaha soo socda: (a) Is hortaag asagoo gudanaya waajibaadkiisa shaqo; iyo (b) Xilkaqaadid, darajodhimis haddii aysan jirin sabab sharciyeed oo caddaalad ah, waana in loo maraa habraaca anshaxmarinta shaqaalaha rayidka ah hab waafaqsan xeerka shaqaalaha.

(4) Shaqaalaha rayidka ah waa in laga ilaaliyo faragelin siyaasadeed ama aargoosi ka dhasha gudashada xilalkooda.

(5) Shaqaalaha rayidka ah waa in la ilaaliyaa xogtooda shaqo iyo sirta shaqsiga ah iyadoo loo marayo xeerarka dalka.

English

No translation available yet in English.

Plain-Language Explanation

Somali
Shaqaalaha rayidka ah waxay xaq u leeyihiin inay qabtaan shaqooyinka ay xirfadda u leeyihiin, helaan mushahar caddaalad ah, ka shaqeeyaan goob ammaan ah, isla markaana helaan hawlgab iyo daryeel bulsho oo waafaqsan sharciga. Waxay sidoo kale xaq u leeyihiin inay samaystaan ururro shaqaale si ay cabashooyinkooda u gudbiyaan. Shaqaalaha lagama hor istaagi karo gudashada waajibaadkooda, xilka lagamana qaadi karo ama darajadooda lagama dhimi karo sabab la’aan sharci ah iyo iyada oo aan la raacin habraaca anshaxmarinta. Waa in laga ilaaliyo faragelin siyaasadeed iyo aargoosi la xiriira shaqadooda, sidoo kalena la dhowro xogtooda shaqo iyo sirtooda gaarka ah.
English

Not available.

Questions & Comments (0)